Aktueel

Presintaasje Tomke ferkearsboek yn Stiens

plaatsje
Boargemaster E.J. ter Keurs fan Ljouwerteradiel en de teamsjef Middelsee fan de plysje, de hear J. Holwerda, krije de earste eksimplaren fan it Tomke ferkearsboek, it nije Aksjeboek foar bern foar de Berneboeketiid. Dat sil wêze op tiisdeitemoarn 7 septimber yn Pjutteboartersplak De Oesterkes yn Stiens.
Mear lêze
Jan Schotanus wint Sulveren Spjeld Berneboekesjuery 2010
Mei Tomke op de foto yn de bibleteek
Priiswinners kleurwedstriid oer Mem wat ite wy hjoed
Mear nijs

Berneboeketiid

Berneboeketiid 2010

3 septimber oant en mei 16 oktober


plaatsjeDe Berneboeketiid yn Fryslân is dit jier fan 3 septimber oant en mei 16 oktober 2010. Yn skoallen, bibleteken en boekhannels stiet yn dy perioade it tema, De grutte tekententoanstelling, byldtaal yn boeken, sintraal.  In tema dat hielendal oanslút by it berneboek.
Ferhalen allinne roppe al bylden op by bern. Yllustraasjes jouwe in ekstra diminsje oan of ûnmisbere oanfolling op in tekst. Yn in printeboek binne bylden fansels ûnmisber en tink ek ris oan in stripboek!
De bylden dy’t ferhalen by bern oproppe stypje de fantasij en de kreativiteit. Bern wolle harren graach identifisearje mei de (haad)persoanen út in ferhaal en betinke dêr fan alles by. Se dramatisearje, meitsje tekeningen of binne op in oare wize kreatyf dwaande.
Der kinne hjoed-de-dei noch safolle programs op televyzje of ynternet beskikber wêze, in ferhaal dat thús, op skoalle, yn de bibleteek of op oare plakken foarlêzen of ferteld wurdt, kinne bern net genôch fan krije.

plaatsjeAksjeboek foar bern 2010
It Tomke Ferkearsboek is in boek fol ferhalen fan Riemkje Pitstra en Auck Peanstra, mei ferskes en opsisferskes fan Jurjen van der Meer en Hans Wempe oer it lytse mantsje Tomke en syn hûntsje Romke. De ferhalen en ferskes steane net allinne yn in boek mar ek op cd. De tekeningen binne fan Luuk Klazenga. It boek is geskikt foar bern fan 2 oant 6 jier. 
Yn de Berneboeketiid en dêrnei is yn de moannen septimber oant desimber it Aksjeboek foar bern yn de boekhannel te krijen foar € 3,95 by oankeap fan € 9,00 oan berneboeken.
Sjoch foar mear ynformaasje op www.moannefanitfryskeboek.nl en www.itfryskeberneboek.nl.

Aktiviteiten
Yn de hiele perioade fan de Berneboeketiid wurde ferskate aktiviteiten organisearre op skoallen en yn bibleteken. Sa is op

  • 6 oktober
    it grutte Kinderboekenweekfeest yn Stedsskouboarch De Harmonie yn Ljouwert. In middei fol aktiviteiten foar bern fan fjouwer oant 12 jier. Foar de Harmonie stiet ek de Fertelbus. Om bar fertelle de skriuwers Auck Peanstra en Mindert Wijnstra ferhalen yn dat lytse fertelteaterke
  • plaatsje10 oktober
    Berneboekedei yn Terherne. De tsiende Berneboekedei mei in grut ferskaat oan aktiviteiten foar bern en âlders. Bern kinne sels oan ’e slach, mar se kinne ek genietsje fan ferhalen, poppekast, in grutte tekententoanstelling en fansels in boekemerk.
    Sjoch foar mear ynformaasje op www.kinderboekendag.nl 

Hâld fierder de programs fan bibleteken, teaters en boekhannels yn ‘e gaten.

Skriuwersprograms
Skriuwers wolle graach oer harren boeken fertelle. Dêrom kinne skoallen en bibleteken in program oanfreegje by de Stichting It Fryske Berneboek. Ferskate berneboekeskriuwers biede in program oan foar ferskillende leeftydskategoryen. Sjoch by it oanbod en doch jo kar.